World Library  


Add to Book Shelf
Flag as Inappropriate
Email this Book

He Mo'Olelo No 'Aukelenuia'Iku

By Abraham Fornander

Click here to view

Book Id: WPLBN0002096927
Format Type: Default
File Size: 2 MB
Reproduction Date: 6/14/2011

Title: He Mo'Olelo No 'Aukelenuia'Iku  
Author: Abraham Fornander
Volume:
Language: Hawaiian
Subject: Non Fiction, Education, Hawaiian Education
Collections: Folklore, Authors Community, Favorites from the National Library of China, Education, Most Popular Books in China, Literature
Historic
Publication Date:
1993
Publisher: Hale Kuamo'o
Member Page: Hale Kuamoʻo Hawaiian Language Center

Description
O keia moolelo o Aukelenuia iku, o ia kekahi o na moolelo kaulana loa ma Hawaii nei. O Kuaihelani ka aina. O Iku ke kane, he alii. O Kapapaiakea ka wahine. Na laua na keiki he umikumamalua. E hoomaka ana ka olelo ma Kuaihelani. Eia na inoa o na keiki: Kekamakahinuiaiku, Kuaiku, Nohoaiku, Heleaiku, Kapukapuaiku, Heaa iku, Lonoheaiku, Naaiku, Noiaiku, Ikumailani me Aukelenuiaiku. He mau kane, a me Kaomeaaiku, he wahine. O Aukelenuiaiku ka mea nona keia moolelo. Mai ka hiapo a ka mua ponoi o Aukelenuiaiku, aole o Iku i hii, aole i lawelawe, aole hoi i hooili i ka aina no kekahi o lakou. Aole no hoi i hoopunahele. A ia Aukelenuiaiku, malama o Iku, lawelawe a hii, a hooili i kona kapu a me ka aina nona. A no keia punahele o Aukelenuiaiku i ko lakou makuakane, ua huhu kona mau hoahanau ia ia, a ua imi lakou i mea nona e make ai. Wahi a ko lakou kaikiaana loa, a Kamakahinuiaiku, “Kupanaha ko kakou makuakane! Iau hoi, i ke keiki mua, aole i hooili mai i kona kapu a me ka aina. A i ke keiki hope loa, ia ia ka e hooili ai!” O ka hana nui a na kaikuaana o Aukelenuiaiku, o ka mokomoko, o ka hakoko, ke kuikui, a me na mea ikaika e ae. A ma keia mea, ua lilo lakou he poe kaulana no Kuaihelani ma keia hana. A o lakou ka oi o ka ikaika ma ia hana. A ua hele lakou e kaapuni ma ka aina a puni, aole mea aa mai ia lakou. Ia lakou e kaapuni ana i ka aina o Kuaihelani, kaulana akula ka ikaika o Kealohikikaupea. No Kauai ia kanaka. O kona ikaika, he uhaki wale na i ke kanaka. A hiki lakou nei i laila, hookahi no puupuu, waiho ana i lalo. Kaapuni lakou a puni o Kauai, aohe mea aa mai ia lakou. Ia lakou nei ma Kauai, kui akula ka lohe, ekolu o Oahu kanaka ikaika loa. O ko lakou mau inoa, o Kaikipaananea, o Kupukupukehaikalani, o Kupukupukehaiaiku. Aohe pu ko momona o Oahu nei ia lakou. A hiki lakou i Oahu nei, hakoko ihola lakou. Hookahi no puupuu, waiho ana ua mau knaka ala o Oahu nei i lalo. A haalele ihola lakou, hele lakou a Maui. E noho ana o Kakaalaneo, ke alii o Maui. Hakoko no, make no ia lakou nei.

Excerpt
Ma anei e ike ai kakou i ka poino o Aukelenuiaiku a me kona pakele ana i ka make a kona kaikuaana huhu, aloha ole. A haule o Aukelenuiaiku i loko o ka lua, kahea iho ua kaikuaana huhu la, penei: “E Kamooinanea e, eia mai ko ai la, ai ia mai.” la ia e kahea ana, holo maila kekahi kaikuaana o Aukelenuiaiku (he kaikuaana aloha ia ia), kahea ihola ma ka waha o ka lua, “E Kamooinanea e, mai ai mai oe! O ko moopuna mai no, o Aukelenuiaiku e lele akula.” Ma keia haule ana o Aukelenuiaiku, ua olioli loa kona poe kaikuaana huhu ia ia no ka make ana. E manao ana lakou ua make To no o Aukelenuiaiku. Ma keia haule ana o Aukelenuiaiku, manao lakou, ua lilo kona kapu i mea ole, a ua nele ka olelo hooilina a ko lakou makuakane ma luna ona, a ua lilo i mea ole loa. A haule o Aukelenuiaiku i lalo o ka lua, aia hoi, elua kanaka e noho ana. Ma mua o ko Aukelenuiaiku haule ana, ko laua haule ana i lalo o ka lua. Na ua poe kaikuaana la no o Aukelenuiaiku i kiola. Ike maila ua mau kanaka ala ia Aukelenuiaiku, minamina ihola laua, no ka maikai o na helehelena o Aukelenuiaiku ke nana aku, no ka maikai a me ke kina ole o kona ano i mua o laua. Ia laua e kamailio ana, lohe akula o Aukelenuiaiku, ninau akula ia, “He aha ka olua e kamailio nei” I mai laua, “E minamina ana maua ia oe.” A lohe o Aukelenuiaiku, ninau akula ia, “I ke aha hoi” Wahi a ua mau kanaka nei, “I ka make i ka moo, ia Kamooinanea.” I aku o Aukelenuiaiku, “Ahea puka mai ka moo” I mai ua mau kanaka nei, “Aia a pii mai ke kai, a emi aku, pii hou mai a emi aku, a laila, hoea hou mai ke kai, a laila, pii pu mai me ka moo. O ka make ka hoi ia o kakou.” A pau ka olelo ana a laua ia Aukelenuiaiku. Ma hope o laila, pii maila ua moo nei o Kamooinanea, a kahea maila, “E Aukelenuiaiku e! Ho mai oe i kekahi kanaka i meaai nau.” I aku o Aukelenuiaiku, “Haawi aku auanei au ia oe, i aha hoi kou hoanoho o keia wahi mehameha” A laila, nalowale akula ua moo nei mai ko lakou mau maka aku. Ma ko lakou ike ana aku i ka helehelena o ka moo, he mea e ka weliweli a me ka makau launa ole. A he mea kaumaha loa ia i ka manao o ua mau kanaka nei. A nalo ka moo mai ko lakou maka aku, i maila ua mau kanaka nei ia Aukelenuiaiku, “Kupanaha! Eia ka ua loaa kou inoa i ka moo! Akahi wale.

Table of Contents
Aukele me Kona mau Kaikuaana Lokoino. 1 -- Ka Haule ana o AukelenuiaIiku i Loko o ka Lua o KamooInanea, a me ka Loaa ana o ka Pono ia ia ma Laila. 6 -- No ka Hoi ana o Aukelenuia Iku, a me ka Pomaikai i Loaa ia ia ma Keia Hele ana i Loko o ka Make. 11 -- Ka Holo ana o Aukelenuia Iku me Kona Poe Kaikuaana ma luna o ka Waa Kaulua e Imi i Aina ma ko Lakou Ikaika. 12 -- Ke Kaua ana o na Kaikuaana o Aukelenuia iku me Naamakaokahai: Ko Lakou Make ana. 18 -- Ko Aukelenuia iku Noho ana i Loko o ka Popilikia a me ka Pomaikai ana. 21 -- Ka Lilo ana o Aukelenuia iku i Kane na Namakaokahai. 26 -- Ka Lilo ana o Aukelenuia iku ia Halulu i ka Pali. 28 -- Ka Hoike ia ana o na Waiwai a Aukelenuia iku me ka Namakaokahai. 31 -- No ka Haawi Malu ana o na Kaikoeke o Aukelenuia iku ia ia i ke Kino Lele. 34 -- Ka Hooili ana o Namakaokahai i na mea a pau ma Luna o Aukelenuia iku , kana Kane; ke Kaua ana o Kuwahailo me Aukelenuia iku i ka Lani. 37 -- No Kaumaiilunaoholaniku. 41 -- No ka Imi ana o Aukelenuia iku i ka wai Ola Loa a Kane. 44 -- No ka Hoola anao Aukelenuia iku i ke Keiki a me na Kaikuaana. 54 -- Ka Hakaka ana o Namakaokahai me na Kaikaina, o ia o Pele a me Hiiaka. 58 -- Ka Holo ana o Aukelenuia iku i Kuaihelani. 63 -- Papa Wehewehe Olelo. 67 -- PapaPilina Olelo /Ikioma. 75 --

 

Click To View

Additional Books


  • Alice in Wonderland (by )
  • Quality Management in Photovoltaics Qual... (by )
  • Course in Foreign Trade (by )
  • Proceedings of the Adjourned Meeting of ... (by )
  • The Sculptures of Chartres Cathedral. Le... (by )
  • Dark Mysteries : Issue 19 Volume Issue 19 (by )
  • The Taittiriya-Upanishad (by )
  • 4 Most : Vol. 6, Issue 3 Volume Vol. 6, Issue 3 (by )
  • Bozo and the Storyteller (by )
  • All Top Comics : Issue 1 Volume Issue 1 (by )
  • Adventures of Peter Wheat : Issue 56 Volume Issue 56 (by )
  • And Gulliver Returns Book II : Are We Di... (by )
Scroll Left
Scroll Right

 



Copyright © World Library Foundation. All rights reserved. eBooks from iCloud eBook Library are sponsored by the World Library Foundation,
a 501c(4) Member's Support Non-Profit Organization, and is NOT affiliated with any governmental agency or department.